Family International (TFI) Europë është një rrjet Kristian i përbërë prej individësh të bashkuar nga dëshira për ta bërë botën një vend më të mirë. Ne besojmë se thjesht dashuria e Zotit dhe dashuria për njëri-tjetrin janë çelësi i problemeve komplekse të shoqërisë sonë, madje edhe të një shoqëri të tillë që evolon kaq shpejt si Europa e sotme.
Projektet dhe aktivitetet humanitare të anëtarëve të TFI Europë kanë qenë të ndryshme dhe të një larmie të madhe. Family International u zgjerua në Evropën Perëndimore në fillim të viteve 1970 dhe anëtarët e saj kanë punuar si vullnetarë në të gjitha vendet e Evropës Qendrore dhe Lindore që nga fillimi i viteve '90.
Gjatë gjithë historisë së saj, Family International është karakterizuar nga një ndryshim dhe progres i vazhdueshëm. Në qershor 2010 u prezantua një ristrukturim gjithëpërfshirës. Ky riorganizim rezultoi në rithemelimin e lëvizjes dhe sot TFI është kryesisht një shoqëri online, një rrjet Kristianësh që ndajnë të njëjtat ide.
Megjithëse metodat dhe struktura e anëtarësimit të TFI-së kanë ndryshuar, mesazhi i saj kryesor mbetet i pandryshuar: "Zoti e deshi aq botën, sa dha Birin e Tij të vetëmlindurin, që, kushdo që beson në Të, të mos humbasë, por të ketë jetë të përjetshme” ... “Shkoni në mbarë botën dhe i predikoni ungjillin cdo krijese". (Gjoni 3:16; Marku 16:15).
Misioni ynë është të përcjellim mesazhin e dashurisë dhe shpresës së Zotit me vepra. Ne përpiqemi të bëjmë dallimin duke ofruar asistencë humanitare, si dhe zgjidhje shpirtërore për të përmirësuar cilësinë e jetës së njerëzve nëpërmjet një marrëdhënie personale me Zotin.
Family International (TFI) është një komunitet ndërkombëtar Kristian i përkushtuar për të ndarë me njerëzit anë e mbanë globit mesazhin e dashurisë së Zotit. Ne besojmë se çdokush mund të ketë një marrëdhënie personale me Zotin nëpërmjet Jezu Krishtit, e cila siguron lumturinë dhe paqen e mendjes, si dhe motivimin për të ndihmuar të tjerët dhe për të ndarë lajmin e mirë të dashurisë së Tij.
Family International prodhon një sërë materialesh kristiane me përmbajtje frymëzuese dhe edukative. Një përzgjedhje e këtyre shkrimeve është e disponueshme në shumicën e gjuhëve kryesore. (Shih faqen e internetit të komunitetit të TFI).n most major languages. (See TFI’s community website).
Shërbimet TFI janë krahu administrativ i Family International dhe ofrojnë një numër shërbimesh për misionarët e Family-it.
Shërbimet e ofruara nga TFI Services përfshijnë botimin e materialeve motivuese kristiane, si dhe risurse për të ndihmuar programet e misionit.
Karen Zerby dhe Steve Kelly (të njohur ndryshe me emrat e tyre të artit, Maria Fontaine dhe Peter Amsterdam) janë drejtuesit aktual shpirtërorë dhe administrativë të Family International.
Në vitin 1995, Family International miratoi Statutin e anëtarësimit i cili kodifikon besimet, të drejtat dhe përgjegjësitë e anëtarëve të saj.
Së bashku me Deklaratën e Besimit të TFI, Statuti ynë paraqet parimet, synimet dhe doktrinat më të rëndësishme të lëvizjes sonë.
Family International zgjat dorën e miqësisë tek të gjithë njerëzit, duke u ofruar atyre një ungjill që nuk bën dallime nga raca, kultura, gjinia apo kombësia.
Anëtarët përqafojnë një besim të përbashkët ndërsa veprojnë në mënyrë autonome të udhëhequr nga Vlerat Themelore të TFI-së.
Anëtarët e ardhshëm pranojnë parimet e Deklaratës sonë të Besimit dhe kontribuojnë në misionin tonë sipas aftësisë dhe zgjedhjes së tyre. (Statuti, Kapitulli II: Anëtarësia)
Ndryshimi dhe ripërtëritja janë të natyrshme për kulturën e TFI-së. Kjo i ka pajisur anëtarët e saj me përshtatshmëri dhe aftësi inovative në aspekte të ndryshme të jetës.
Jetesa së bashku dje dhe sot:
Familjet që jetonin së bashku në komunitet luajtën një rol të rëndësishëm në historinë dhe zhvillimin e TFI-së që nga viti 1968 deri në vitin 2010.Por, në vitin 2010, TFI ndërpreu modelin e saj të organizimit të familjeve që jetonin së bashku dhe u riorganizua si një komunitet kristian i lidhur kryesisht nëpërmjet internetit.
Diversiteti është një nga pikat e forta të TFI-së, i shprehur në shumëllojshmërinë e aktiviteteve të ndryshme dhe programeve humanitare të ndërmarra nga anëtarët e TFI Europe gjatë katër dekadave të fundit.
Disa nga këto projekte janë organizuar në bashkëpunimin dhe koordinim me organizata të tjera dhe OJQ; të tjerat kanë qenë të pavarura dhe projekte lokale.
Si organizatë, TFI nuk e nis, menaxhon dhe as nuk e administron punën dhe misionin e anëtarëve të saj. Pronësia e misioneve dhe e projekteve është e anëtarëve që janë përgjegjës për to.
Ne besojmë se fëmijët janë dhurata të paçmueshme nga Zoti dhe kanë të drejtën e tyre për të pasur kujdesin më të mirë që është i mundur, në një mjedis ku nevojat e tyre fizike, edukative, intelektuale, morale dhe emocionale janë plotësisht të përmbushura.
Fëmijët kanë të drejtë që të marrin dashuri, të gëzojnë dhe të rriten në një mjedis të shëndetshëm e të lumtur.
Mbrojtja e fëmijëve: TFI është e angazhuar për të mbrojtur fëmijët nga çdo gjë që është e dëmshme për ta dhe i tregon rëndësi përgatitjes së fëmijëve për të qenë në gjendje për të mbrojtur vetveten. Shikoni Politikën e Mbrojtjes së Fëmijëve të Family International.
Family International ka një trashëgimi të pasur muzikore. Anëtarët kanë kompozuar mijëra këngë origjinale që përfshijnë një gamë të gjerë rrymash muzikore.
Vizitoni www.nubeat.org dhe kanalin YouTube të TFI për orë të tëra dëgjimi, shikimi dhe kënaqësie.
Family International i ka gjurmët e origjinës së saj në vitin 1968 në Huntington Beach, Kaliforni, ku themeluesi ynë, David Brandt Berg (1919-1994) së bashku me familjen e tij filloi misionin ndaj të rinjve që ishin kundërkulturë së asaj kohe.
Në fund të vitit 1969, kur grupi kishte arritur rreth 100 anëtarë, u quajt nga mediat "Fëmijët e Zotit". Në vitin 1972 kishte 130 komunitete me kohë të plotë të shpërndarë anembanë botës. Në fillim të vitit 1978, Fëmijët e Zotit u riorganizuan dhe u bënë të njohur si Family (International).
Gjatë gjithë historisë së saj lëvizja iu nënshtrua shumë ndryshimeve në strukturë dhe në metoda. Më 1995, u miratua një statut anëtarësie, i cili kodifikoi besimet, të drejtat dhe përgjegjësitë e anëtarëve të Family-it dhe të komuniteteve të saj.
Në vitin 2010 TFI miratoi një model të ri organizativ. Një program gjithëpërfshirës i ristrukturimit rezultoi në një rithemelim të lëvizjes për të lejuar diversitet më të madh, duke ruajtur objektivat e saj misionare.